Dos articlos de Mallata nominaus a os premios RED REMEDIA

Dos articlos de Mallata publicaus en o blog d’o Ret Scientifico REMEDIA, son nominaus a os premios RET REMEDIA a l’actividat mitigadora d’o cambeo climatico en o sector agroforestal en a categoría de Premio a la millor dentrada en o blog (o Blog MITI). En ista categoría se premiarán a os autors d’as 3 millors dentradas en o blog d’o Ret REMEDIA escritas dende d’o 25 de Marzo de 2015 dica o 15 de Febrero d’o 2017. Ta ixo s’han pre-seleccionau as 8 dentradas orichinals con mas visitas, entre as qualas se troban dos dentradas de l’autora de Mallata.com: Antibioticos, cría de bestiar y cambeo climatico, publicada o 18 de chulio de 2016, y Transuancia y cambeo climatico.

Amás, os premios Ret Remedia tamién premiarán as 2 millors tesis doctorals desembolicadas en l’ambito d’o RET REMEDIA y por soci@s d’o RET REMEDIA, que a suya de lectura haiga estau entre o 25 de Marzo de 2015 y o 1 de Marzo de 2017; y tamién se premiará ae compromiso mitigador difuera d’o RET REMEDIA a una persona relevant en l’ambito d’a mitigación d’o cambeo climatico en o sector agroforestal.

As personas ganaderas en cadaguna d’as tres categorías (Blog MITI, Doc MITI, Big MITI) se darán a conoixer entre o V workshop RET REMEDIA, que se celebrará en l’IRTA Torre Marimon, Caldes de Montbui (Barcelona), os proximos días 28-29 de Marzo.

O Ret Remedia ye un ret scientifico de mitigación d’emisiones de gases d’efecto invernadero en o sector agroforestal (agricultura, ganadería y forestal) que naixió en 2011 y en el qual participan scientificos de toda a Peninsula Iberica.

Category : Actualidat
Tags :