10 cosas d’os burros que no sabebas

Hue, 8 de mayo, se celebra o día internacional d’o somero, y dende Mallata.com queremos celebrar-lo compartindo istas 10 curiosidatz sobre os somers que igual no conoixebas 😉

  1. Os somers se domesticoron en Africa fa bells 7.000 anyos, por ixo o suyo nombre scientifico ye Equus africanus, que significa literalment «caballo africano».
  2. Sisquiera tenesenos orellas de somero! Porque les sirven tanto pa poder disipar a suya calor corporal, como ta percibir os sonius con gran claridat. Amás, os somers son capaces d’emitir rebuznos a un volumen tant alto que les permite mantener en contacto estando dica a 3 kilometros de distancia.
  3. Os equidos s’extinguioron en America a la fin d’a zaguera glaciación y no estió dica 1495 quan tornoron a pisar o continente en introducir Colón quatro mastos y dos fembras d’ista especie en una d’as suyas expedicions. En o continent americán, amás d’aduyar en quefers relacionaus con l’agricultura y o transporte, os somers tamién s’usoron en a minería.
  4. A leit de somera ye una d’as de mayor calidat que existen, estando muit similar en composición a la leit humana. Comparando-la con a de vaca, a leit de somera conta con muitas menos grasas, a metat de proteínas y mas lactosa.
  5. Contan que Cleopatra se ficaba en leit de somera, y lo cierto ye que s’ha contrimostrau que aporta multiples beneficios t’a piel, estando idonia ta piels sensibles y un muit buen tractamiento ta trastornos como a psoriasis y os eccemas. Amás, qualques interpresas de cosmeticos la incluyen entre os suyos ingredientes porque estimula a renovación a ran celular d’a dermis, nutrindo y rehidrantando a piel en profundidat.
  6. En Panticosa (Uesca), i hai una casa que se diz “Casa Burra”. O nombre le viene porque fa muitos anyos i habió en o lugar un brote muit fuerte de colera, y solament se salvoron os d’una casa porque bebeban leit de somera, ya que, seguntes contan, ista leit apreviene de contraer dita malotía. Por iste motivo a casa adquirio o nombre de Casa Burra.
  7. Encara que muita chent los considere febles, os somers son, en realidat, os millors defensors d’o rabanyo, ya que alertan de periglos como o lupo, protechindo asinas a o bestiar d’os depredadors. Qualques torres, como Casa Grande Xanceda, en Galicia, los han incluiu en o suyo rabanyo y no han tornau ha recibir a visita d’os lupos.
  8. Tot y que se les creye fatos, os somers tienen una memoria marabillosa, podendo recordar tanto a atros somers, como puestos mientras a lo menos 25 anyos.
  9. Un somero domestico puede plegar a vivir 45 anyos.
  10. En Europa, o numero de somers s’ha reduciu d’os dos millons a meyo millon en solament tres decenios, estando a mayoría de razas autoctonas en periglo d’extinción.