Innovacions socials pa reducir l’impacto d’os incendios en o medio rural catalán

Articlo publicau orichinalment en anglés en o blog d’o prochecto SIMRA o 8 de chunio de 2017

Restas de l’incendio de fa dos anyos

O pasau mes de mayo, tenió puesto a primera Asambleya Cheneral d’o prochecto Innovación Social en Arias Rurals Marguinals (SIMRA, por as suyas siglas en anglés), que se celebró en a Usina Mediterrania d’o Instituto Forestal Europeu (EFIMED), situada en Barcelona. Mientras a trobada, teniemos a suerte de poder conoixer de primera man cómo s’organizan os vecins d’a comarca d’o Bages (Barcelona) ta minimizar os impactos d’os incendios en o suyo termin municipal, y que nos lo contasen os propios protagonistas en o mesmo puesto an fa dos anyos i habió un incendio (Òdena, verano de 2015). Pero vaigamos por partes y empecipiemos por o prencipio:

Mientras o sieglo XX, a despoblación rural y o conseqüent abandono d’as tierras de cautivo, han provocau que an antes i heba un paisache agricola, agora i haiga un paisache forestal. L’aumento d’hectarias de selva y os fuegos que se succedioron, levoron a vecins y a propietarios a unir-se en os anyos 60 creyando os grupos d’extinción d’incendios y auxilio immediato. Istes grupos se reguloron a partir de l’anyo 1986 y pasoron a denominar-se Agrupacions de Defensa Forestal, en adebant ADF. As ADF no tienen animo de lucro y a suya finalidat  ye a prevención y luita contra os incendios forestals. Son  formadas por propietarios forestals, concellos d’os municipios d’o suyo ambito territorial y personas voluntarias. Amás, treballan de forma coordinada con o cuerpo de bomberos.

Vehíclo de primera intervención que disposa l’ADF de Castellfollit del Boix ta amortar y aprevenir incendios

L’ADF de Castellfollit del Boix (en a comarca d’o Bages) abarca una superficie total de 5.942 ha, d’as qualas 4.397 son forestals, cosa que suposa o 73,9% d’a superficie. A selva ye una matriz important d’o suyo territorio, que os habitants a ormino fan servir pa fer gambadas u replegar fungos. Ta protecher-lo, se reunen contribuindo a o plan municipal d’incendios forestals, fan campanyas con agricultors y colechios, mantienen puntos d’augua y pistas d’acceso a l’amonte, y reciben formación por parte d’os bombers. Quan i hai un incendio en o suyo municipio, o Centro d’Emerchencias les grita y s’activan, a ormino plegando en a zona antes que no os bombers; por ixo a suya actuación inicial ye important t’a evolución de l’incendio, y se meten a la disposición d’os bombers quan istes i plegan. Quan un municipio cercano precisa colaboración, o centro comarcal les coordina pa aduyar a os suyos vecins, ya que o fuego no entiende de buegas administrativas. Ista ADF ye una iniciativa social en a quala personas voluntarias d’o municipio levan decenios unindo-se ta aprevenir y extinguir os incendios, protechendo asinas un bien común: o suyo lugar, o suyo paisache y os suyos recursos forestals. Tienen dos tipos de miembros: os d’o carnet verde (mayors de 16 anyos) pa aduyar en cheneral fueras de en caso d’incendio, y os d’o carnet amariello (mayors de 18 anyos) que contan con a formación y equipamiento especifico pa participar con seguranza y coordinación en o perigloso quefer d’extinguir un incendio.

Convertindo troncos en asclas pa calderas de biomasa

Manimenos os suyos esfuerzos, as chents de Castellfollit del Boix han iu veyendo como a magnitut d’os incendios aumentaba, mientres que as actuacions silvicolas pa aprevenir-los (clareos, limpieza de matorral) deveniban mas caras. En o zaguer decenio, manimenos, l’uso d’a biomasa forestal pa uso enerchetico ha suposau una oportunidat pa cubrir os costes d’as intervencions forestals, cosa que no solament amillora a sostenibilidad economica d’a prevención, sino que tamién amillora a economía d’ista zona rural. Por iste motivo, decidioron innovar y convertir-se en una cooperativa que aprofita aquells arbols que picaban pa aprevenir incendios, en asclas pa calderas de biomasa. D’ista traza, no solament aprevienen l’aparición d’incendios y contribuyen a chenerar enerchía limpia, sino que amás creyan emplego, fixando población en o municipio.

Si queretz conoixer mas a fundo o treballo d’as ADF, podetz visitar a web: http://www.federacioadfbages.org

Category : Desarrollo Rural
Tags :