Imos a plantar as urnias

Plataforma Rural organiza una marcha o proximo 3 d’aviento de 10 a 14 h. en a Carrera Claudio Moyano, amán d’o Ministerio d’Agricultura, Alimentación y Medioambiente, ta presentar propuestas arredol d’un mundo rural vivo y por a sobiranía alimentaria en días previos a l’encieto d’a campanya electoral.

L’obchectivo ye visibilizar o meyo rural y compartir con a ciudadanía urbana, os problemas, as luitas, y as propuestas d’o mundo rural, asinas como remerar que istas aspiracions y demandas son igualment d’importants ta toda la sociedat. Tamién quieren recordar a os politicos que as personas que viven en os lugars suposan o 20% d’a población que ocupa o 20% d’o territorio, y que tienen propuestas ta un nuevo modelo de meyo rural.

PROGRAMA

10:00 h Acullida a las personas y entidatz participants.

11:00 h Rueda de prensa en a quala se darán a conoixer as proposas

12:00 h Rufierta con os partius politicos convidaus que acudan

14:00 h Zarre de l’acto

A lo largo d’a chornada, s’irán replegando sinyaturas d’os asistents que quieran emparar as propuestas de Plataforma Rural. Se puede descargar o Manifiesto por un programa politico en esfensa d’o mundo rural vivo y a sobiranía alimentaria en iste enlace.

Puetz sinyar online u descargar a fuella de sinyaturas t’arroclar mas refirmes en o tuyo lugar u comarca y posteriorment ninviar-las a l’adreza postal: Maria d’o Mar Martín CODINSE. C/ Eras 28. 41551. Campo de San Pedro. Segovia.