Cría de bestiar extensiva y prevención d’incendios

A ganadería extensiva ye a ferramienta mas efectiva de prevención d’incendios, ya que controla a vechetación a tres alturas diferents (arboria, matorral y pasto). D’ista forma, chenera una discontinidat d’o combustible, en variar a cantidat y estructura de material vechetal disponible, y dificulta a propagación d’as flamas a traviés d’a vechetación.

O pastoreo esbroza o mont de forma natural, eliminando masa vechetal a coste nulo y creyando un paisache heterochenio que impide a propagación d’as flamas.

A chent que se dedica a la ganadería desembolica una labor d’una valor incalculable, ya que amás d’aduyar a aprevenir incendios con o pastoreo, a suya presencia permite conservar infrastructuras vitals t’a prevención y extinción d’incendios como camins, puntos d’augua u casetas. Tamién facilitan labors de vichilancia d’o mont y sirven d’elemento disuasorio ta posibles incendiarios.

A ganadería extensiva contribuye a fixar población en as zonas rurals, estando un motor t’a economía local, dependient de cudiar y conservar os recursos naturals, bella cosa que, inevitablement, fa disminuir os incendios.

Tags :