Reportache sobre o coeficient de pastoreo en Tempero

[cml_meya_alt itz='260']Vaca en zona de montanya[/cml_meya_alt]
Vaca en zona de montanya

O pasau 11 d’abril, o programa Tempero, que s’emite os sabados en Aragón TV, realizó un reportache sobre a reducción d’o coeficient de pastoreo en zonas con arbolau, roquedals u pendients pronunciadas. Ista medida, ha levau a que en a zaguera revisión d’o sistema informatico SIGPAC s’haigan reduciu dica un 30% as hectarias de pasto en o Pirineo Aragonés.

Ista decisión mete en periglo a existencia d’as explotacions pirenaicas extensivas, ya que a nueva PAC asocia o suya pago a la tierra y con ista decisión se deixa a os ganaders sin tierras que poder arrendar y sin tasament aduyas “en descartar-se dende Europa como zona de pasto una hectaria con mas de 100 arbols u con una pendient pronunciada, caracteristicas que en o Pirineo definen l’alta montanya y que de forma tradicional han estau pastoreadas”, afirman en o programa.

En o reportache, Ismael Bielsa, ganadero de San Chuan de Plan, explica que en a suya zona “s’ha retallau dica un 90% por haber muito pinar, pero se puede contrimostrar que en os pinars y en as alturas minchan as vacas”. Bella cosa similar ocurre en Laspunya, an que en 2012 contaban con 2000 has ta declarar, y que hue se veyen reducidas a 200 has.

[cml_meya_alt itz='261']Fotograma d'a serie Heidi, basada en a novela de mesmo nombre, que narra as vivencias d'una nina y o suyo bestiar de crabas en una zona montanyosa con arbolau, roquedals y fuertes pendients. Hue no podría existir por a fuerte dependencia d'a ganadería a las subvencions, y tractar-se d'una zona que no cobraría a PAC[/cml_meya_alt]
Fotograma d’a serie Heidi, basada en a novela de mesmo nombre, que narra as vivencias d’una nina y o suyo bestiar de crabas en una zona montanyosa con arbolau, roquedals y fuertes pendients. Hue no podría existir por a fuerte dependencia d’a ganadería a las subvenciones, y no aconseguir suficient coeficiente pastoreo ta cobrar las aduyas d’a PAC

Amás, Ramón Solanilla, ganadero y responsable d’ASAJA-Sobrarbe aclareix que “dentro d’o reglamento, se replega que a Comunidat Autonoma que no sía d’alcuerdo con o Coeficient de Pastoreo, puede presentar una alegación en a quala explique as peculiaridatz d’a suya zona”.

Sin as hectarias de pasto necesarias ta poder cobrar a PAC y ta complir con os compromisos agroambientals, a rentabilidat d’as ganaderías extensivas se veye enormement reducida en un sistema alimentario que beneficia a la ganadería intensiva, an que no i hai buenpasar animal, que subsiste gracias a piensos transchenicos que recorren una meya de 7.000 km y que contaminan o meyo que les rodea. D’ista traza, o unico que s’aconsigue ye acabar con paisaches y culturas milenarias, mientres se favoreixe a uniformidat de paisaches y productos a lo largo d’o globo, y s’estrcalla o treballo local, autosuficient y sostenible.

Ta veyer o reportache, puncha aquí (prencipia a partir d’o menuto 22.00)