Category: Ganadería Extensiva

Un (eco)sistema de bordas

Escribo istas letras rodiada de piedras que acumulan más historia que no polvo, que amagan a sudor d’as personas que habitoron iste puesto antes que no plegasenos nusotros, y que conservan argüellosas unas rayas que indicaban o numero de pacas de palla que feban ixe anyo. Lo construyoron y plenoron de vida aprofitando tot lo posible os recursos que les ufriba o territorio, siempre de forma sostenible. Siempre posando devant a casa antes que no os humans.

Hue quiero charratz-tos de una parola feita de piedras que mormostian falordias que han sentiu dende fa sieglos. Falordias, que igual como os emplegos que l’han dau a iste espacio, han cambeau con o paso d’o tiempo. Me trobo d’entre unas paretz que han sentiu charradas sobre apanyar casorios, de cazatas de lupos, historias de chent que marcho y nunca no i tornó, y que agora sienten os chilos y risos d’a mía filla.

As cosas han cambiau muito en muit poco tiempo.

Istas paretz que hue s’han tornau en casa mia, han estau dica fa bien poco a casa d’os aperos de labranza, d’o trillo, d’as gallinas, d’o feno… As suyas puertas han presenciau diferents hortals y han visto trillar a quantas cheneracions. A ormino me pregunto cuántas variedatz diferents de plantas habrán creixiu en ista tierra que yo piso, qué animals s’habrán alimentau d’ellas y mesmo soneo con a posibilidat de trobar-ie bel día bella simient intacta que por razons extranyas haiga preferiu no medrar, no evolucionar, y remanir queda pa cutio dica que unas mans la recullan y tornen a sembrar-la y tornar a fuerza d’a suya chenetica a la tierra.

A borda.

Ixe espacio unico,

ixa parola machica comuna a totz os territorios pirinencos. Tant present en o nuestro vocabulario como desconoixida ye a suya importancia en a conservación d’una cultura en extinción, d’un paisache en desaparición.

Carlos Ferrer diz d’ellas en o suyo Diccionario de Pascología, que “normalmente eran construcciones de piedra de dos plantas con tejado de pizarra: en la planta alta se almacenaba el heno y se guardaban los aperos de siega y henificación y en la planta baja se ubicaba el ganado. Un sistema de bordas permitía tener el ganado fuera del pueblo e irlo trasladando de una a otra para pastar, fertilizar y estercolar los prados y, en invierno, consumir el heno almacenado. Como principal inconveniente del sistema estaba la necesidad de acceder a las bordas desde el pueblo, cuestión que resultaba complicada cuando caían grandes nevadas. El origen de la palabra borda parece estar en el francés bordé referido a un terreno cercado”.

Un sistema que cosiraba plantas, animals y mesmo personas en un tiempo en o que no se podeba entender l’agricultura sin a cría de bestiar, y vice-versa. Pensau en a rotación organizada. Agora charramos de pastoreo Voisin, custodia d’o territorio, compost, conservación paisachistica. Antes lo clamaban vida. Asinas, sin más. Libre de plasticos, d’adhitivos y prou que d’OMG.

As bordas yeran a base que guarenciaba a sostenibilidat ambiental, social y economica d’una sociedat asentada en un territorio de dificil orografía y pior orache. Y son, sin garra dubda un patrimonio a conservar pa poder guarenciar un futuro rural sostenible a istas tierras pirinencas. Un ecosistema de bordas, un sistema ‘eco’ de bordas.

Read More

A lana de l’ansotana

Articlo publicau en Eldiario.es Aragón, o 14 de chinero de 2020

L’atro día belun se sorprendió quan le charré d’Esquellana, una iniciativa social pa transformar a lana d’a ovella guirra, a unica raza d’ovella valenciana, y d’ista forma poder asegurar a las ganaderías o ingreso d’os costes que suposa a esquira. Lo millor d’ista iniciativa ye que fa veyer que l’amor –por a biodiversidat agraria en iste caso- mueve montanyas… A lo menos montanyas de lana, que han dixau d’estar acumuladas en as torres, an que acababan indo directament ta la vasuera, y han resultau estar una d’as claus pa mantener ista raza en periglo d’extinción, ya que as companyeras dezaga d’iste prochecto han aconseguiu que as ganaderías d’ovella guira tiengan un alicient extra que les faiga pensar-se-lo dos veces antes que no cambiar as suyas ovellas por atras en teoría más productivas pero menos adaptadas a o territorio. (more…)

Read More

As nuestras razas autoctonas: una d’as claus de l’adaptación d’a ganadería a o cambeo climatico?

Articlo publicau orichinalment o 12 de chulio de 2018 en o Blog d’o Ret Scientifico Remedia.

En o verano de 2014 estié de voluntaria en una torre de vacas de leit en Cantabria. Un día, entre o muigo d’a tarde, amaneixió por astí un sinyor d’abanzada edat que heba estau ganadero. No se cómo, se metió a charrar-me d’Hormaechea. Yo no sabeba quí yera l’hombre d’o que me yera charrando. O mío interlocutor se levó as mans a la cabeza y farfalló que con una choventut tant inculta o mundo solament podeba ir a pior. (more…)

Read More
portada Satue ELEGIDA 30-10-17

Cabalero. Un viello pastor d’o Pireneu

Iste mes d’aviento ha visto a luz a reedición d’un libro unico y imprescindible ta todas as personas intresadas en a ganadería extensiva y l’etnopastoralismo, se tracta de Cabalero. Un viello pastor d’o Pirineo, escrito por Enrique Satué y reeditau por PRAMES. Ista obra ye o resultau d’una larga relación d’amistat y aprendizache entre un pastor tradicional de l’Alto Aragón y un estudioso d’a Etnohistoria, y en el se desgrana l’universo personal d’Antonio Oliván Orús, de Casa Cabalero d’Aso de Sobremont (Alto Galligo), como depositario d’a esencia d’a sociedat agro-ganadera tradicional d’o Pireineu. En ista edición amillorada y enamplada s’ha incluyiu tamién una introducción en a quala s’analisa a situación actual d’a ganadería extensiva en o Pireneu, trenada sobre a base de quantos testimonios de pastors y albeitars. (more…)

Read More

10 cosas d’os somers que no sabebas

El día 8 de mayo se celebra el día internacional del burro, y desde Mallata.com queremos celebrarlo compartiendo estas 10 curiosidades sobre los burros que igual no conocías 😉 (more…)

Read More

Feria d’o ganau de Biescas: una trobada con historia

Churras tensinas en a Feria d’Agüerro de Biescas.

Iste cabo de semana se celebra en Biescas a tradicional Feria d’Agüerro, una d’as prencipals ferias de bestiar d’Aragón, que atraye, amás d’a muitas personas d’o sector, a un buen numero de turistas.

Encara que hue ye o sector servicios a prencipal actividat en ista villa oscense, encara quedan ecos d’aquella Biescas que se dedicaba a o cautivo d’a trunfa, a la ganadería y a l’artesanía. Una muestra d’ixo ye a embotada de pelaires con a quala encara se conoixe a os biesquenses, y que fa referencia a l’oficio artesanal que consistiba en preparar a lana que dimpués s’heba de teixir y a o que se dedicaban muitas personas d’o lugar.

(more…)

Read More

A lana, a ovella ansotana y o P.N. d’as Vals Occidentals

Con motivo d’o Día Europeu d’os Parques, o proximo domingo 29 se van a realizar diversas actividatz en distintos Parques Naturals aragoneses de conchunta con productors locals baixo o lema “O Gusto d’a Naturaleza”.

En o Parque Natural d’as Vals Occidentals, an que a ganadería ha feito forma mientras sieglos a o paisache, chugando un important papel en a supervivencia de quantas especies de flora y fauna, y de l’arraigada cultura local, estando fundamental t’a confección d’o conoixiu trache ansotano. (more…)

Read More
Hola, usamos cookies. :)    Más información
Privacidad