(Foto: Laneras)

Laneras ye un prochecto que busca recuperar a raza merina negra y os sabers tradicionals de forma sostenible ecolochica y economicament a partir d’a producción de lana ecolochica. Ta ixo s’han uniu ganaders, artistas y profesionals.

En a cooperativa ACTYVA manean quantos rabanyos de merinas, raza conoixida por a gran calidat d’a suya lana, baixo condicions sostenibles y/u ecolochicas. Manimenos, a producción de lana en a Peninsula Iberica ha pasau d’estar a mas important d’o mundo, a estar bella cosa residual. De feito, dica fa quantos anyos, valeba mas o transportar y esquirar a las ovellas, que a lana en ella mesma. Por ixo, dende Laneras, han decidiu dar-le valor adhibida a o producto, procesando a lana d’istas ovellas con productos biodegradables ta meter a la disposición d’os usuarios y tallers artesanals lana lavada, escarmenada, cardada y filada con a quala teixir u afieltrar ta recuperar o “con-tacto” con as fibras naturals entre que s’empara a las ganaderías que son restaurando os pastos, defesas y olivars d’Extremadura.

(Foto: Laneras)

Amás de proveyer d’a lana virchen en distintos graus de procesau, tamién son preparando un programa formativo, guía y cintas didacticas ta entidatz socials sobre afieltrau y filau con a finalidat de promover l’uso de fibras naturals y a recuperación de sabers ancestrals en a producción d’utils domesticos, complementos y vestiu que podesen dar puesto a oportunidatz d’autoemplego.

Si queretz colaborar con o prochecto, Laneras busca mecenas t’a suya campanya de crowdfunding, con a quala podetz colaborar punchando aquí. Colaborando, seretz aduyando a revalorizar a lana como patrimonio historico, cultural, social y economico; a empentar a producción y consumo local textil; y a estendillar y amanar a la sociedat a las conoixencias arredol d’a lana y a suya producción, transformación, confección, tecnicas y posibilidatz ta treballar con ella revitalizando lazos socials y rechenerando os ecosistemas. Animar-tos a tirar d’o filo d’a sustentabilidad! 🙂

(Foto: Laneras)

Laneras es un proyecto que busca recuperar la raza merina negra y los saberes tradicionales de forma sostenible ecológica y economicamente a partir de la producción de lana ecológica. Para ello se han unido ganaderos, artistas y profesionales.

En la cooperativa ACTYVA manejan varios rebaños de merinas, raza conocida por la gran calidad de su lana, bajo condiciones sostenibles y/o ecológicas. Sin embargo, la producción de lana en la Península Ibérica ha pasado de ser la más importante del mundo, a ser algo residual. De hecho, hasta hace varios años, valía más el transportar y esquilar a las ovejas, que la lana en sí. Por eso, desde Laneras, han decidido darle valor añadido al producto, procesando la lana de estas ovejas con productos biodegradables para poner a disposición de los usuarios y talleres artesanales lana lavada, escarmenada, cardada e hilada con la que tejer o afieltrar para recuperar el “con-tacto” con las fibras naturales mientras se apoya a las ganaderías que están restaurando los pastos, dehesas y olivares de Extremadura.

(Foto: Laneras)

Además de proveer de la lana virgen en distintos grados de procesado, también están preparando un programa formativo, guía y vídeos didácticos para entidades sociales sobre afieltrado e hilado con el fin de promover el uso de fibras naturales y la recuperación de saberes ancestrales en la producción de útiles domésticos, complementos y vestido que pudieran dar lugar a oportunidades de autoempleo.

Si queréis colaborar con el proyecto, Laneras busca mecenas para su campaña de crowdfunding, con la que podéis colaborar pinchando aquí. Colaborando, estaréis ayudando a revalorizar la lana como patrimonio histórico, cultural, social y económico; a fomentar la producción y consumo local textil; y a divulgar y acercar a la sociedad a los conocimientos en torno a la lana y su producción, transformación, confección, técnicas y posibilidades para trabajar con ella revitalizando lazos sociales y regenerando los ecosistemas. ¡Animaros a tirar del hilo de la sustentabilidad! 🙂

En o mes de marzo, a cadena de comida rapeda McDonald’s, anunciaba a suya decisión de deixar de vender en os EE UU pollo tractau con antibioticos, debant d’a perda de clients que se’n van ta Chipotle u Panera, cadenas que guarencian o buenpasar animal y a venda de productos de cercanía y libres “de drogas”. Por ista razón, as campanyas publicitarias mas recients en EE UU d’a companyía, inciden en a venda de productos “limpios” y “naturals”. Ixo sí, a información sobre l’aturada d’a venda de pollos tractaus con antibióticos no ye d’o tot cierta, ya que a cadena continará comprando pollos a ganaders que faigan servir o ionoforo, un antibiotico utilizau en albeiteria pero no en medicina humana.

Encara que dita decisión, por l’inte, solo afectará que a os establimientos que McDonald’s tiene en Estaus Unius, en Europa quantos países ya han reduciu l’uso d’antibioticos, mientres que dende Bruselas se chestiona o tresladar ista medida a totz os estaus miembros. Manimenos, a industria farmaceutica ye presionando ta que isto no succeda, ya que o 80% d’o total d’antibióticos producius por as farmaceuticas, son utilizaus en animals d’abasto.

Por qué consumir carne libre d’antibioticos?

A ganadería intensiva se basa en a cría d’o mayor numero d’animals, en o menor espacio y tiempo posible. Por o que os animals se crían facinaus en condicions d’hichiene y de buenpasar muit deficients, cosa que los fa especialment sensibles a las malotías. Por ista razón, en iste tipo de producción, se suministran antibioticos y atra mena de farmacos sistematicament a os animals, antes que no anfermen, como mida de prevención. Istas accions, implican o que quan dimpués o consumidor minche os productos derivaus d’istes animals (carne, leit, etc…), minchen de vez residuos de ditos antibioticos, creyando resistencias.

Seguntes datos d’o Centro t’o Control y a Prevención d’as Malotías Infecciosas en EEUU, se calcula que en ixe país unas 23.000 personas mueren a l’anyo y bells dos millons enferman por virus y bacterias que han desembolicau resistencia a os antibioticos, a causa d’un uso excesivo d’os mesmos.

En definitiva, consumir productos libres “de drogas” ye beneficioso no solo que t’os animals -que son criaus en millors condicions-, sino tamién t’a nuestra propia salut.

Dende a plataforma Avaaz.org quieren fer un clamamiento a os eurodiputados d’Agricultura y Sanidat, baixo o titol Aturemos a crueldat y salvemos vidas. Ta emparar-lo puncha aquí.

Ta mas información: http://www.meatwithoutdrugs.org/

A parola transuancia proviene d’o latín trans, que significa ‘de l’atra parte’, y humus, ‘tierra’; y fa referencia a o desplazamiento anual d’os rabanyos dende as zonas altas destinadas a pastos de verano a las zonas baixas, en as qualas o bestiar pasa l’hibierno.

L’obchectivo d’a transuancia ye aconseguir a “eterna primavera” ta que o bestiar pueda alimentar-se de forma natural a pur de pastos mientras tot l’anyo. L’impacto que iste tipo de ganadería extensiva chenera en as zonas por as qualas pasa ye muit positivo ta l’ambient, ya que cada ovella transuant aporta cada día arredol de 5.000 simients y abona o terreno con mas de 3 kg de fiemo. Cada vaca transuant treslada 50.000 simients y uns 30 kg de fiemo, entre uns 20 Km. diarios de recorriu. Asinas que, cada rabanyo de 1.000 ovellas u de 100 vacas transuants dispersa entre os suyos desplazamientos d’aproximadament un mes caminando por as canyadas mas de 150 millons de simients y bellas 100 toneladas d’abono, a o largo de mas de 500 kilometros de vals, ríos, laderas, montanyas y mesetas, guarenciando a biodiversidat d’os distintos ecosistemas por os quals transita.

Spanish Sephard de Richard Ansdell (1863)

A transuancia surte en domesticar a os remugants d’imitar as rutas que istes feban en libertat en busca de pastos. Entre a romanización, una d’as rutas de transuancia en o ueste peninsular, pansa a estar marcada por una calzada y se convierte en a Vía d’a Plata. Encara que ye entre a Edat Meya, epoca en a quala a cría de bestiar ye l’actividat economica predominant, quan se consolida a suya organización, a traviés d’institucions como as Mestas u os Ligallos. A Mesta d’Albarracín, de conchunta con a Casa de Ganaderos de Zaragoza (tamién clamada Cofradía de Santo Simón y Santo Judas, creyada suposadament en o sieglo V, encara que no se tiene documentación d’ella dica 1229), estioron as institucions mas importants d’o Reino d’Aragón. Mientres que en Castiella, fuo El Honrado Concejo de la Mesta, creyau en 1273 por Alfonso X o Sabio. Por ellas os ganaders disposaban d’una institución corporativa, vinculada a os poders locals, encargada de regular as relacions profesionals entre os suyos miembros, protecher os privilechios de pasto y guarenciar as infrastructuras pecuarias, dando puesto a una rica y extensa normativa tanto escrita como consuetudinaria.

A transuancia ye considerada Patrimonio Cultural Immaterial d’Aragón, de conchunta con a jota, a contradanza de Cetina y o transporte fluvial d’a madera (navatas). Manimenos, ista actividat ye un arte en periglo d’extinción, por o que totz os paisaches que se nutren d’ella, corren tamién periglo de desapareixer. Actualment en Espanya quedan tant solament bellas 30 familias transuants. A metat d’ellas proceden d’a provincia de Teruel.