Ahiere, martes 29 de setiembre, se publicaba en o Boletín Oficial d’o Estau a cuantía d’as aduyas dirichidas a las explotacions lacteas. Tot y que s’heban anunciau 300 millons ta paliar os baixos pres a os quals a industria compra a leit a os ganaders, finalment se destinarán 20 millons. T’a Unión de Chicotz Agricultors y Ganaders (UPA), ista medida significa “que o unico obchectivo d’o departamento d’Isabel García Tejerina yera frenar as movilizaciones d’os ganaders”.
O pre maximo percibiu por litro de leit ta poder acullir-se a las aduyas s’ha fixau en 24,5 centimos, por lo qual se deixa difuera a quasi o 80% d’as explotacions afectadas por os baixos pres d’o sector que no pueden amortizar os costes de producción. D’atra man, dende UPA sinyalan que iste pre lanza un mensache claro d’o que t’o Gubierno ye un pre sostenible”.
Tamién se quedan sin dreito de subvención aquellas explotacions que levan sufrindo impagos mientras quatro u cinco meses, en tener un pagaré u una reconoixencia de deuda d’interpresas morosas en concurso d’acreedors u en tramites d’extinción.
Dende a organización agraria UPA han pediu a o Ministerio d’Agricultura que amillore, vía corrección d’errors, os enunciaus d’ista orden y s’ha exichiu “un pago chusto por o pre d’a leit y no una politica de limosnas con un claro proposito electoral, porque lo unico que aconsiguen ye tapar-le as vergüenyas con diners publicos a aquellas industrias que son tresladando a o campo contractos vasuera y pres de miseria con total impunidat”.
Compártelo:
- Haz clic para compartir en Facebook (Se abre en una ventana nueva)
- Haz clic para compartir en Twitter (Se abre en una ventana nueva)
- Haz clic para compartir en Telegram (Se abre en una ventana nueva)
- Haz clic para compartir en WhatsApp (Se abre en una ventana nueva)
- Haz clic para compartir en LinkedIn (Se abre en una ventana nueva)
- Haz clic para compartir en Pinterest (Se abre en una ventana nueva)
- Haz clic para compartir en Reddit (Se abre en una ventana nueva)
- Haz clic para compartir en Tumblr (Se abre en una ventana nueva)
- Haz clic para compartir en Skype (Se abre en una ventana nueva)
- Haz clic para imprimir (Se abre en una ventana nueva)