Con a plegada d’a primavera, a xara s’imple de flors, y os habitants d’a Siberia -comarca situada a o norte d’a provincia de Badajoz y que conta con 24.000 habitants y 2.691,6 Km2- celebran o suyo día gran.
Cada anyo, a festividat d’a “Xara en Flor” tiene puesto en un municipio diferent d’a comarca. Iste anyo s’organizó en Siruela, an que se celebroron diversas actividatz culturals, entre as qualas s’incluyen bailes rechionals, cante flamenco, tallers d’animación, concurso fotografico, etc… Y como no podeba estar d’atra traza, en una comarca de gran tradición agroganadera, se contó con una representación de razas autoctonas de bestiar d’a familia Cabello-Bravo, como a Merina Blanca, a Merina Negra, as crabas Retinta y Verata, a raza asnal Andaluza, o Mastín Español, a gallina Extremenya y o Pavo Oscense.
Con ista chornada de trobada s’aconsigue meter en valor os recursos d’a zona y dar a conoixer una comarca que ha sabiu conservar a suya identidat y a suya biodiversidat. Ye una gran iniciativa ta fomentar o turismo rural d’a man d’a convivencia entre vecins.
As fotografías d’a festividat son cortesía de Miguel Cabello.
