A ganadería extensiva leva milars d’anyos fixando población en os nuestros territorios, y por tanto, dando forma a os nuestros ecosistemas. Manimenos, en os zaguers anyos a disminución d’a cabana extensiva y l’aumento d’explotacions intensivas ha levau a meter en risgo o medio rural aragonés. En ista charrada-debat que tendrá puesto o martes 15 de noviembre a las 19 horas en a siede de l’Instituto d’Estudios Altoaragoneses (c/ Parque 10, Uesca), se charrará d’a importancia de mantenir a ganadería extensiva y de consumir local, y de l’impacto que todas dos accions tienen en o nuestro territorio.
En a trobada, organizada por o Círculo de Podemos d’a Plana de Uesca, participarán Nacho Escartín, deputau en as Cortz d’Aragón; Mario Buisán, de l’Asociación de Criadores de Vacuno Pirenaico (ASAPI) y d’o prochecto Sobrarbe Autoctono y Sostenible; José Luis Cabrero, cocinero en o CEIP Asunción Pañart de L’Aínsa; Jaime Seuma, d’a Plataforma Loporzano Sin Ganadería Intensiva y Lucía López Marco, autora d’iste blog.
