Feria d’o ganau de Biescas: una trobada con historia

Iste cabo de semana se celebra en Biescas a tradicional Feria d’Agüerro, una d’as prencipals ferias de bestiar d’Aragón, que atraye, amás d’a muitas personas d’o sector, a un buen numero de turistas.

[cml_meya_alt itz='1584']Uellas de raza churra tensina pastando en o municipio de Biescas.[/cml_meya_alt]
Ovellas de raza churra tensina pastando en o municipio de Biescas.

Encara que hue ye o sector servicios a prencipal actividat en ista villa oscense, encara quedan ecos d’aquella Biescas que se dedicaba a o cautivo d’a trunfa, a la ganadería y a l’artesanía. Una muestra d’ixo ye a embotada de pelaires con a quala encara se conoixe a os biesquenses, y que fa referencia a l’oficio artesanal que consistiba en preparar a lana que dimpués s’heba de teixir y a o que se dedicaban muitas personas d’o lugar.

En estar o centro d’una ampla zona ganadera se daba piet a la celebración de tres ferias anuals (en setiembre, noviembre y mayo), a las qualas acudiban totz os habitants d’os lugars vecins. D’istas ferias, a mas important yera a que se celebraba o 18 de noviembre, antes que no se partise con os rabanyos enta Tierra Baixa.

En aquellas ferias, que hue pareixen quedar tant leixanas, se vendeba tot tipo d’animals, si bien l’actividat que mayor beneficio reportaba, y que resultaba estar a prencipal fuent d’ingresos pa la zona de conchunta con a producción de trunfa, yera a venda de machos de recrío, que yeran machos que se compraban con seis meses y que se vendeban amansaus a os tres anyos. Por desgracia, as ferias de caballerías desapareixerían con l’aparición d’os tractors, cosa que suposó a plegada de malos tiempos pa la zona. D’atra man, ye en perder-se as ferias de caballerías quan prencipió a popularizar-se a venda d’ovellas.

[cml_meya_alt itz='1587']Vacas de raza parda de montanya pastando en o Puerto de Gavín.[/cml_meya_alt]
Vacas de raza parda de montanya en o Puerto de Gavín.

A introducción d’o bestiar vacuno ye pro recient si se compara con o bestiar ovino, ya que ye en dentrar en declive a transuancia quan baixa o censo de cabezas d’ovino y prencipia a puyar o vacuno. Actualment, o bestiar bovín ye o mayoritario en buena parte d’as vals pirinencas, estando a raza mas comuna, a Parda de Montanya, en receso de l’autoctona, a vaca Pirinenca, d’a quala no quedan a día de hue que dos ganaders en en a val. A Parda de Montanya ye, amás, a raza que mas importancia cobra en a feria, ya que dende l’anyo 2003 a subasta d’ista raza que se fa en a Feria d’Agüerro ye de caracter nacional. Ista raza, que actualment se caracteriza por estar d’aptitut carnica, desciende d’a Parda Alpina, d’aptitut mixta, que estió introducida en distintos puntos d’a Peninsula Iberica a meyaus d’o sieglo XIX, quan se crució con as distintas razas locals, como a Pirinenca, a Rubia Gallega, as asturianas u a hue desapareixida Mantequera Leonesa. En dentrar Espanya en a Unión Europea y amaneixer as condutas lacteas, muitas ganaderías lacteas se veyen obligadas a transformar-se y centrar-se en a producción de terneros pa carne, ye alavez quan ista raza orichinaria d’o cruce d’a Parda Alpina con razas locals, empecipia a focalizar-se en una aptitut cárnica.

En a feria se pueden contemplar tamién eixemplars d’as prencipals razas vacunas, ovinas, caprinas, equinas, gallinaceas y de cans de todas dos vertients d’o Pireneu, d’entre ellas as razas locals d’a zona, como a ovella Churra Tensina, a craba Pirinenca, o caballo Hispano-Bretón, a gallina d’o Sobrarbe u o Mostín d’o Pirineo.

[cml_meya_alt itz='1590']Carlina, queso elaborau en Biescas que se presentará entre a feria.[/cml_meya_alt]
Carlina, queso elaborau en Biescas que se presentará entre a feria.

Actualment, a feria no solament se dedica a la exposición ganadera, sino que tamién tienen especial importancia a feria d’artesanía, a feria d’o queso, os tallers, as chornadas tecnicas, a exposición micolochica… y atras actividatz, que por a suya consecución a lo largo d’os anyos, ya se consideran tradicionals, como o Festival Gorriti u l’actuación d’a Ronda de Boltaña, asinas como l’homenache a os oficios tradicionals, que en ista edición tendrá como protagonistas a os pastors y, concretament, a Pascual Sanromán Sampietro como representant destacau de dito colectivo. Amás, en a edición d’iste anyo se presentará o queso Carlina, elaborau en o municipio.

Muitas cosetas han cambiau en a Feria dende os suyos inicios, quan a baixada de puerto (en setiembre), a marcha ent’a Tierra Baixa (en noviembre) y a tornada (en mayo) marcaban a suya celebración. Manimenos, una cosa no ha cambiau, y ye que sigue estando un punto de trobada entre as chents d’a comarca y qui la visitan.

O programa d’a Feria d’Agüerro se puede consultar punchando aquí.