A demanda d’alimentos ecolochicos sigue creixendo un anyo par d’atro en Espanya dende fa mas de 20 anyos, a partir d’a producción agraria ecolochica ofrindo quantos beneficios ambientals y t’a salut, comprebaus a traviés d’estudeos realizaus con prou rigor scientifica. Manimenos, istes aspectos no s’han estendillau adequadament entre a ciudadanía, que no plega a os rans de consumo de países d’o suyo arredol. Amás, con freqüencia amaneixen en os meyos informacions que qustionan ixas averiguacions scientificas, basadas en afirmacions especulativas no contrastadas, que se difunden rapida y facilment por os retz socials y os meyos de comunicación (periodismo sensacionalista), con a intención de persuadir a la chent consumidora de consumir-lo y creyar un estau d’opinión contrario a os alimentos ecolochicos, en enfatizar que no i hai diferencias entre iste metodo y o convencional provocando grans perdas en o sector de l’agricultura ecolochica. Ye lechitimo actuar d’ixa traza?; s’ha d’acazar ista conducta?; cómo cal transmitir a verdat a os consumidors?; cómo podemos divulgar a verdat a la ciudadanía?, qué puede fer un operador ecolochico en ista situación?. Istas son qualques preguntas que s’abordarán en a chornada “Divulgación scientifica y alimentos ecolochicos: digamos a verdat” que se celebrará o viernes 11 d’aviento en o Salón d’Actos d’a Escuela Tecnica Superior d’Incheniería Agronómica y d’o Meyo Natural d’a Universidat Politecnica de Valencia.
Os obchectivos d’a trobada son difundir os beneficios nutricionals y t’a salut d’os alimentos ecolochicos, divulgar as avantallas ambientals d’a producción ecolochica d’alimentos y empentar o periodismo de divulgación basau en evidencias scientificas.
A inscripción puede fer-se a traviés d’a pachina www.agroecologia.net
Programa:
09h15 Bienvenida
09h30 O periodismo de divulgación scientifica. C Navia, Presidenta de l’Asociación de Periodistas d’información ambiental (APIA).
10h00 a calidat d’os alimentos ecolochicos: beneficios nutricionals. MD Raigón, Presidenta d’a Sociedat Espanyola d’Agricultura Ecolochica (SEAE).
10h30 Impactos ambientals de l’agricultura ecolochica. A Cerdà (UV), (pc).
11h00 Alimentos ecolochicos y salut. Medico (pc).
11h30 Desayuno (ecolochico) – Debat. Mod.: Representant CAECV. Convidaus: Repr. Villareal CF (pc), R Baptista (tenista), J Valenzuela (APIA), JA Rico (agricultor ecolochico), V Sanz (agricultor ecolochico), C Martínez (Asoc. consumidors Vland Solaris), P Aizpuru (Ecorganic).
13h00 Fin
