Mallata.com en a III Trobada de Razas Autoctonas d’Aragón

Expoforga, a Feria agroganadera y comercial d’a Comarca d’a Chacetania, celebra iste cabo de semana a suya 27ª edición en Puent d’a Reina de Chaca, con una superficie expositiva superior a os 36.000 m² y con exposicions d’animals y subastas estatals y autonomicas d’eixemplars d’a Raza vacuna Pirenaica, y d’as razas ovinas Churra Tensina y Raza Ansotana. D’atra man, dende o luns y dica o chueves, se desembolica a Semana Agraria d’a Chacetania, que organiza UAGA.

Amás, o viernes se celebrará a III Trobada de Razas Autoctonas d’Aragón, chornada tecnica endrezada ta profesionals d’o sector, organizada por a Comarca d’a Chacetania, con a colaboración d’as Asociacions Ganaderas provincials y, más que más, ACOAN (Asociación de Criadors d’Ovino Ansotano), ATURA (Asociación de Criadors de Bestiar Ovino de Raza Churra Tensina) y ASAPI (Asociación Aragonesa de Criadors de Bestiar Vacuno Pirenaico). En dita trobada, se presentarán diferents experiencias que meten en valor a ganadería extensiva y as razas autoctonas, como a lana de ovellas de raza Ansotana, a torre Riorcal, o logotipo 100% Raza Autoctona u este blog.