Agroecología|Convocatorias

BBBFarming ye una plataforma online t’a promoción y a formación a o servicio de l’agroecolochía, o consumo responsable, a sobiranía alimentaria y a transformación social. Dende BBBFarming programan accions formativas que amanen a os agricultors, ganaders y tecnicos en activo u en vías d’estar-lo a innovacions que les permitan amillorar a calidat d’os suyos productos de vez que amilloran a sustentabilidad d’as suyas torres.

En ista convocatoria incluyen dos formacions con titulación oficial: Especialista Universitario por a Universidat d’Extremadura en Chestión integral d’a dehesa y a acreditación en Maneo Holistico d’o Savory Institute. O primer d’ells prencipiará o 19 d’octubre, será online en un 90% con dos salidas a campo. O resultau final d’o curso será un plan d’explotación integral d’una finca de dehesa que fixe como obchectivos os tres pilars d’a sustentabilidat: social, economico y ecolochico. Participan siet docents que destacan en o suyo campo profesional y/u por a suya actividat investigadera y docencia universitaria.

S’incorporan amás dos cursos muit dirichius ta l’autosuficiencia: Nocions basicas de la poda en altura (20 horas d’as qualas 12 serán practicas) y Introducción a o filau artesanal y a os tintes naturals (tamién 20 horas con 8 online y 12 presencials).

Dica a calendata, qui han participau afirman que os cursos les han resultau altament satisfactorios, y destacan en especial a metodolochía participativa. A experiencia d’os BBBFarmers y BBBTeachers (quan amás contrimuestran formación y experiencia docent) va d’a man con a interacción con atros alumnos en os foros y a obtención a la fin de cada curso d’un resultau tanchible: un plan, recurso, producto d’artesanía…

Mas información en bbbfarming.net

Os días 13 y 14 de chunio se celebrará en Zaragoza a V Trobada d’a EcoRedAragón en o marco d’a 26 Semana Cultural d’a Madalena.

EcoRedAragón ye una iniciativa surtida d’a primer trobada de Grupos de Consumo de productos ecolochicos mientras a III Feria de Trueque de Penyaflor de Galligo (Zaragoza) en mayo de 2010. Se mira de creyar vinclos d’unión entre consumidors y productors ecolochicos en Aragón con l’obchectivo d’amillorar a suya relación y facilitar a totz o consumo de productos respectuosos con a naturaleza y a salut.

PROGRAMA

SABADO 13 DE CHUNIO

10,00 – 14,00: Feria de a EcoRedAragón

Puesto: Plaza d’a Madalena y carreras aledanyas.

Mientras a Feria i habrá as siguients actividatz:

• Mesa d’acullida y información de a EcoRedAragón
• Mesa d’información y cambeo de Moneda Social
• 11:00 Charrada sobre Moneda Social
• 11:30 Presentación de a Plataforma por uns Minchadors Escolars Publicos de Calidat
• 12:00 Charrada sobre Comercio Chusto y Consumo Responsable
• 13:00 Socalce agroecolochico con baile y mosica por Laqtspera +Os gaiteros d’o Rabal

14,30: Chenta popular ecolochica. Organizan A EnrestidayEcoRedAragón (4 €)

Puesto: Plaza d’a Madalena

17,00 – 18,00: Café-rufierta sobre o Sistema Participativo de Guarencia de EcoLlaures

Puesto: A Ciclería (C/ Gavín, 6)

18,00 – 20,00: Grupos de treballo simultanios: 

– Sistema Participativo de Guarencia. Puesto: a Ciclería (C/ Gavín, 6)

– Ret d’Abastecimiento. Puesto: a Vía Láctea (C/ Doctor Palomar, 25)

– Difusión y sensibilización. Puesto: Treziclo (C/ Pedro Liñán, 8)

18,00 – 20,00: Charrada-taller: Cómo amontar un grupo de consumo? Alternativas y ferramientas ta unatro tipo de consumo? Puesto: AICAR – ADICAE (C/ Gavín, 12)

21,00: II FESTIVAL GUILLOTINA ROCK: DJ O Gancho Sonidero, Esparatrapo, My Expensive Awarness, Manolo Kabezabolo y Os Ke No Dan Piet Kon Birla.Org. Espacio Colectivo a Vía Láctea. Puesto: Plaza de Santo Agustín

DOMINGO 14 DE CHUNIO

11,00 – 12,30: Grupos de treballo simultanios: 

– Consumidors/as

– Productors/as

13,00 – 14,30: Plenario: conclusiones y propuestas.

14,30: Chenta popular ecolochica. Organiza: Simients (3 €)

Todas as actividatz d’o domingo tendrán puesto en o Centro SocialOkupado “Kike Mur“, antiga garchola de Torrero, Plaza d’a Memoria Historica.

Aquellas personas intresadas en asistir a bella d’as actividatz, han de plenar o siguient formulario antes d’o diya 9 de chunio (incluyiu).

De intrés:

+ I habrá espacio de conciliación ta ninos/as o sabado de tardes y o domingo de maitíns.

+ Si quiers compartir auto u trayecto te puetz apuntar AQUI

+ Si viens de difuera de Zaragoza y amenestes puesto ta adormir marca-lo en a enqüesta, nos miraremos de dar-tos un aloch apropiau, tamién si tiens necesidatz especials d’alimentación

+ Ye una trobada autogestionada, amenestemos chent que nos aduye con un montón de quefers.

Ta qualsiquier dubda, podetz contactar con a EcoRed a traviés d’a siguient adreza: encuentrosecoredaragon@gmail.com

O proximo sabado 6 de chunio, tendrá puesto a Fiesta de l’Hortal Zaragozano, una chornada en a quala se celebra o seiseno aniversario d’o mercau agroecolochico, an que os hortelans d’o municipio y redolada, podrán dar a conoixer os suyos productos a os consumidors en a Plaza de Santo Bruno.

A Fiesta contará con o Mercau Agroecolochico que se celebra totz os sabados en a Plaza José Sinués, an que se troban productos ecolochicos certificaus, de temporada, que han estau producius localment por as personas que los venden y que s’ha convertiu en un referent d’iste tipo de muestras a ran estatal. Tamién bi habrá mesas informativas, degustacions y actividatz infantils ta animar ista chornada d’amanamiento entre productors y consumidors. Amás, entre toda a semana os consumidors podrán fer fotos en os photocalls habilitaus en distintos puntos d’a ciudat (Plaza d’Espanya, Parque Gran José Antonio Labordeta, etc…) an que podrán fotografiar-se simulando estar hortelanos ecolochicos.

Dita celebración ye organizada por o Concello de Zaragoza a traviés d’o prochecto Hortals Life, que busca a recuperación meyoambiental d’espacios periurbans por meyo de l’agricultura ecolochica. A Fiesta de l’Hortal Zaragozano tendrá puesto o sabado de 9 a 14h. en a Plaza José Sinués.