Convocatorias|Medio rural

O proximo domingo 11 d’octubre se celebrará en Camaleño a primera edición d’a Feria Agroalimentaria Hechu en Liébana, en o qual participarán mas d’una veintena de productors de vin, queso, miel, sidra y atros elaboraus d’a comarca, y amás, s’homenacheará a la quesera Consuelo Beare, precursora en a elaboración d’o Queso de Pido.

A obridura será a las 11.00 horas y mientras o maitín se celebrará una muestra d’elaboración de queso, proseguida d’una degustación d’iste tipo de producto. Entre a tarde se desembolicarán diferents actividatz, como actuacions, chugos tradicionals, sorteos de productos tipicos d’a comarca y un concurso de platos y tapas destinau exclusivament a establimientos hosteleros.

En a comarca de Liebana s’elaboran productos baixo as Denominacions d’Orichen Quesucos de Liébana, Picón Bejes-Tresviso y Miel de Liébana; a Indicación Cheografica Protechida Carne de Cantabria; y o “Vin d’a Tierra” Liebana. A Feria Hechu en Liébana ye una oportunidat ta promocionar y divulgar os productos d’a zona, empentando lo consumo local.

Mientras tot o cabo de semana se celebra en Zaragoza a VI Feria d’o Mercau Social en o Centro Comunitario Luis Bunyuel (dentrada por Plaza Santo Domingo s/n y Paseo Echegaray 18). A Feria ye organizada por a Cooperativa MESCoop (Mercau Social Aragón) y cuenta con a colaboración de REAS Aragón, PICH (Plan Integral d’o Casco Historico de Zaragoza) y Centro Comunitario Luis Bunyuel.

Amás, paralelament tendrá puesto a I Feria d’Alternativas a o Cambeo Climatico (organizada por l’Alianza por o Clima) con l’obchectivo de teixir alianzas ta una vida sostenible.

A VI Feria d’o Mercau Social, contará con stands informativos y de venda de productos y servicios d’entidatz d’Economía Social y Solidaria, an se darán a conoixer as suyas alternativas en alimentación ecolochica y de proximidat, finanzas eticas y solidarias, transporte sostenible, comercio chusto, enerchías renovables, chardinería, construcción, textil, ocio y cultura, muebles, artesanía, hostelería, construcción, asesoría, educación, comunicación y diseño, cudiaus…

Mientras toda la Feria se podrá desfrutar d’as diferents actividatz, qualo obchectivo ye fer-nos reflexionar y visibilizar a economía social y solidaria dende diferents angulos (charradas, tallers, animación infantil, exposicions, conciertos…)

A finalidat d’a Feria ye visibilizar prochectos que treballan en común por a sostenibilidat d’a vida, partindo d’a premisa de cudiar: cudiar a vida, as personas, l’entorno y os procesos u habitos de consumo, a producción u as relacions socials. Dende l’epicentro cudiar,s’ha dividiu a Feria en siet sectors que vinculan a os prochectos y entidatz de Mercau Social con as actividatz que desembolican, con l’obchectivo de reunir en un mesmo espacio a todas as actrices y actors que participan en a Economía Social y Solidaria ta celebrar, trobar-se, intercambiar y, en definitiva, aprender, chugar, recuperar, acompanyar, facilitar, participar, construir, alimentar, arropar, soniar, viachar, comunicar y creyar colectivament.

O venient 15 d’abril se celebran as XXVI Chornadas de Sciencia y Tecnolochía en a Escuela Politecnica Superior de Uesca, que levan por titol Programa de Desembolique Rural d’Aragón: Una visión dende l’ambito agricola y meyoambiental.

O programa ye o siguient:

9:00 – 9:15 Presentación. Representants d’EPS, COITA, COIAANPV

9:15-10:15 a nueva programación de desembolique rural en Aragón. José Luis Castellano Prats (Gubierno d’Aragón

10:15?11:00 Servicios d’asesoramiento. cómo levar-los a la practica? Joaquín Olona Blasco (Decano d’o Colechio Oficial de Incheniers Agronomos d’Aragón, Navarra y País Vasco).

11:00?11:30 Pausa café

11:30?12:00 Analís d’o PDR dende o sector d’a industria agroalimentaria. José Ignacio Domingo (Cherent de l’Asociación d’Industrias d’Alimentación d’Aragón).

12:00?12:45 O PDR y o desembolique sostenible d’o meyo rural.  Enrique Playán Chubilar (Responsable d’o CSIC t’o Ret Rural Nacional).

12:45-13:30 Cómo afecta o PDR a o sector primario? David Solano Rubiella(UAGA) y Gerardo Torralba Jordán (ASAJA).

a dentrada ye gratuita, previa inscripción en www.unizar.es/eps