Ruralink ye un prochecto documental que s’enguera o Viernes 31 Marzo a las 19.15 horas en o Centro Civico Delicias de Zaragoza, y que connecta a chovens d’o medio rural de Bradenburgo (Alemanya), Lesbos (Grecia) y Aragón, a traviés de como contan as suyas propias historias dillá d’os estereotipos y a narrativa imperant en os medios de comunicación. A cinta amuestra una imachen moderna d’as zonas rurals, an trobamos chovens que dedican a suya vida a protecher, restaurar y revivir o territorio, as suyas comunidatz locals y a cultura d’a suya aria, metendo en practica una visión d’Europa basada en a sostenibilidat, a solidaridat y o pluralismo.
Entre 1 anyo, 9 chovens han aprendiu tecnicas d’entrevista y filmación. Posteriorment, equipaus y camera en man, han viachau en grupos transnacionals a zonas rurals de Brandeburgo, Lesbos y Aragón ta entrevistar a atros 6 chovens locals sobre as suyas vidas, os suyos soneos y os retos que afruentan en o día a día, descubrindo os suyos vinculos con chovens d’atros países d’a Unión Europea.
O resultau d’iste treballo ye un documental, Ruralink, feito por y t’os chovens, o qual amuestra una anvista actual d’a choventut en o medio rural y escribe una nueva narrativa ta un prochecto europeu conchunto.
Ruralink ye un prochecto promoviu por Fondo Natural (Aragón), Citizens for Europe (Berlin), Bridging Europe (Grecia), European Alternatives y.V y financiau por Jugend für Europa.
Mas información sobre Ruralink en este enlace.