Quiers levar-te ista caixa con tres variedatz d’hidromiel? Participa en iste sorteu y podrán estar tuyas. Solo cal que sigas totz istos trangos 😉 1- Dar “Me fa goyo” en as pachinas de Facebook d’Hidromiel Rasmia y Mallata.com si encara no lo has feito 2- Comentar o post sobre o sorteu publicau en a pachina de Facebook de Mallata.com proposando un nombre pa l’abella reyna d’a zaguer arna que han incorporau en Hidromiel Rasmia. 3- Sinyala que te fa goyo iste post y comparte-lo. O proximo 24 de febrero sabremos qui ha ganau. ¡Muita suerte!
A ganadería extensiva leva milars d’anyos fixando población en os nuestros territorios, y por tanto, dando forma a os nuestros ecosistemas. Manimenos, en os zaguers anyos a disminución d’a cabana extensiva y l’aumento d’explotacions intensivas ha levau a meter en risgo o medio rural aragonés. En ista charrada-debat que tendrá puesto o martes 15 de noviembre a las 19 horas en a siede de l’Instituto d’Estudios Altoaragoneses (c/ Parque 10, Uesca), se charrará d’a importancia de mantenir a ganadería extensiva y de consumir local, y de l’impacto que todas dos accions tienen en o nuestro territorio.
O día 19 de noviembre puetz sentir-te pastor(a) acompanyando a o mayor rabanyo de merinas negras d’Espanya a realizar a suya tradicional trasterminancia por a Canyada Real d’as Merinas entre Tamurejo y Siruela, en a Siberia extremenya.
Antes d’empecipiar a caminar, se desayunará en Tamurejo ta pillar fuerzas, y en plegar en Siruela os trasterminants desfrutarán d’una chenta tipica de pastors, as migas extremenyas, amás d’una mereixida fiesta.
O día previo a la trasterminancia, o 18, se realizarán diversas actividatz t’os vecins:
12:00: Actividat 1. Taller en Residencia d’Ancianos. Manualidat con papel maché t’o dibuixo d’una ovella y pastor en o suyo campo.
16:00: Actividat 2. Salida ta Tamurejo acompanyando o rabanyo de ovella merina negra mas gran d’Espanya. Actividat ta totz os publicos.
17:00: Actividat 3. Taller d’elaboración de queso. Con Marisa Bravo, explicando a totz os publicos como s’elabora o queso. Dende muyir una ovella dica verter y masar o cuajo en o cincho.
17:30 – 20:00: Actividat 4. Se fa a devantadera o castiello flotant. T’os mas chicotz tendremos un castiello flotant.
17:30-20:00: Actividat 5. Se fa a devantadera o taller de “Pintacaras” que durará toda a tarde.
18:00: Actividat 6. Pintura de didos. T’os mas chicotz, se les proposará dibuixar un paisache con as nuestras razas autoctonas (gallina, craba, ovella, somero, vaca) con pintura de didos y un pastor.
18:30: Actividat 7. Pastors. Ta ninos una micarrona mas mayors. Podrán realizar unas obras d’arte con papel de seda, cartulina y algodón ta fer una uella u, si lo prefieren, pueden trigar entre numerosas plantillas ta dibuixar con o material que esleigan o suyo propio rabanyo.
Entre toda a tarde será un chozo, quantos corderos, somers.. ta que lo veigan os ninos.
O plazo d’inscripción ta participar en a trasterminancia o día 19 finaliza o mierques 16. A todas as personas que realicen a ruta se les entregará un Ticket obsequio, con o qual tendrán dreito a un regalo, a o desayuno de dulces tipicos en Tamurejo y servicio d’autobús. D’atra man, se puede adquirir o Ticket migas, que tiene un coste de 5€ y da dreito a desfrutar d’un plato de migas extremenyas en Siruela. Comprando iste ticket se colabora con a Organización d’Alzheimer AFAD.
Ta mas información: Universidat Popular: 647 807 490 upsiruela@yahoo.es Siruela Turismo: 648 550 676 siruelaturismo@gmail.com
Dimpués de l’exito d’as Chornadas d’Experimentación y Transferencia Agroecolochica de l’anyo pasau, CERAI Aragón ha continau treballando en a experimentación en l’ambito de l’agroecolochía.
Iste anyo, dende CERAI quieren continar visibilizando y difundindo tot o treballo realizau en organizacions, universidatz, cooperativas u a titol personal, a traviés d’as II Chornadas d’Experimentación y Transferencia Agroecolochica, que se celebrarán o mierques 9 de noviembre a las 16.00 horas en a Escuela Politecnica Superior de Uesca.
Dende CERAI indican que quieren “estar un emparo real a o sector agrario, mas en concreto a l’ecolochico. Y por ixo, con istas chornadas pretendemos creyar un espacio ubierto ta replegar demandas, problemas, inquietutz por parte d’os/as agricultors/as y toda persona relacionada con o sector”.
PROGRAMA 16:00-16:15 h. Recepción de participantes
16:00-16.30 h. Exposición de pósteres
16.30-19:30 h. Presentación d’os TREBALLOS D’EXPERIMENTACIÓN
Recuperación d’o Melón de Torres. Jesús Causapé Valenzuela Cebo de rumiantes con forrajes en condicions ecolochicas. Isabel Cassasus Evaluación agronómica y comercial d’a chudía trapera de Tarazona y d’a Zona d’o Moncayo. Marta Pérez Ferrando. Pastoreo planificau, maneo holístico. O bestiar no solament consume hierba sino que tamién puede producir-la y regenerar os pastos. Andrea Rodríguez Goñi. Evaluación agronómica y comercial d’o tomate Zaragozano. Chema Alquézar Alquézar. O futuro de l’agricultura: o poder de l’agricultura ecolochica. Luís Ferreirim.
19:30-20:15 h. Redolín de debat. Preguntas, aportacions, sucherencias
Os días 4 y 5 d’octubre se celebrará en Sallent de Galligo (Uesca) a tercera edición d’o Foro por a sostenibilidat d’o Pireneu, en o qual participará l’autora d’iste blog en o marco d’a mesa “Educación y futuro sostenibles pa guarenciar a calidat medioambiental d’o Pireneu” con a charrada “Os blogs como ferramienta p’a educación ambiental”. En a mesma mesa participarán a investigadora d’o CITA Isabel Casasús charrando de “Bases tecnicas t’o maneo d’os pastos en a estación d’esquí de Pandicosa” y Carlos Buj, miembro d’o Foro de Turismo Responsable con a ponencia “Viache ent’a sostenibilidat, y agora qué?”.
En o foro tamién participarán Jesús Garzón Heydt de l’Asociación Trashumancia y Naturaleza, con a conferencia inaugural “A importancia d’a ganadería extensiva en o medio rural”; Mario Buisán d’ASAPI y Juan Antonio Gil d’a FCQ presentando o prochecto “Sobrarbe autoctono y sostenible”; Francisco Burillo, catedratico de Prehistoria en a Universidat de Zaragoza, que charrará d’a “Serranía Celtiberica” y Ana Hernández con a sesión didactica “Pasos clau pa convertir a tuya ideya de negocio en un prochecto viable” entre muitos atros que podetz veyer aquí.
A dentrada a o Foro ye libre, previa confirmación d’asistencia ninviando un email a cultura@aytosallent.es u clamando a o telefono 974 488 055.
A demanda d’alimentos ecolochicos sigue creixendo un anyo par d’atro en Espanya dende fa mas de 20 anyos, a partir d’a producción agraria ecolochica ofrindo quantos beneficios ambientals y t’a salut, comprebaus a traviés d’estudeos realizaus con prou rigor scientifica. Manimenos, istes aspectos no s’han estendillau adequadament entre a ciudadanía, que no plega a os rans de consumo de países d’o suyo arredol. Amás, con freqüencia amaneixen en os meyos informacions que qustionan ixas averiguacions scientificas, basadas en afirmacions especulativas no contrastadas, que se difunden rapida y facilment por os retz socials y os meyos de comunicación (periodismo sensacionalista), con a intención de persuadir a la chent consumidora de consumir-lo y creyar un estau d’opinión contrario a os alimentos ecolochicos, en enfatizar que no i hai diferencias entre iste metodo y o convencional provocando grans perdas en o sector de l’agricultura ecolochica. Ye lechitimo actuar d’ixa traza?; s’ha d’acazar ista conducta?; cómo cal transmitir a verdat a os consumidors?; cómo podemos divulgar a verdat a la ciudadanía?, qué puede fer un operador ecolochico en ista situación?. Istas son qualques preguntas que s’abordarán en a chornada “Divulgación scientifica y alimentos ecolochicos: digamos a verdat” que se celebrará o viernes 11 d’aviento en o Salón d’Actos d’a Escuela Tecnica Superior d’Incheniería Agronómica y d’o Meyo Natural d’a Universidat Politecnica de Valencia.
Os obchectivos d’a trobada son difundir os beneficios nutricionals y t’a salut d’os alimentos ecolochicos, divulgar as avantallas ambientals d’a producción ecolochica d’alimentos y empentar o periodismo de divulgación basau en evidencias scientificas.
Quántas veces has soniau con emprender y ha acabau estando ixo, un soneo, porque no sabebas cómo empecipiar? En o mundo de l’agricultura y a ganadería as buenas ideyas acaban muitas veces en augua de cerrallas porque tot pareixen problemas. Solament o pensar en buscar a tierra, comprar as simients u os animals, comercializar o producto, etc… fan que nos rindamos y que no desemboliquemos prochectos innovadors.
Ta qui tos ha pasau, encara sotz a tiempo de cambiar o rumbo d’a vuestra historia presentando-tos a o Concurso d’ideyas d’emprendimiento social y cooperativo 2015que organiza REAS Aragón en colaboración con a Escuela Universitaria d’Estudios Socials y Laboral Kutxa, con l’emparo de l’Instituto Aragonés d’Emplego.
O plazo ye ubierto dica iste viernes 25 de setiembre ta presentar un resumen esencial de dos pachinas d’a propuesta. A documentación necesaria se troba en a web www.concursoeues.com, en a quala tamién se facilitan as bases completas, asinas como toda la información necesaria ta participar. A entrega d’os prochectos se podrá efectuar en as siedes d’os convocants u bien por correu electronico (eues@unizar.es).
O prochecto seleccionau recibirá una beca en o Estudeo Propio d’a Universidat de Zaragoza Expierto Universitario en Economía social y financiación preferent de 9.000€. Amás, a materialización d’o prochecto será acompanyada dende emprendes.net.
A vocación emprendedora con voluntat de transformación social tiene premio, no lo deixes eslampar!
O proximo 9 d’abril en o Salón d’Actos de Bantierra en Zaragoza (c/Santo Voto, 6-8) se celebrará a chornada “a Lei d’a Cadena Alimentaria: un nuevo reto ta totz os eslabons d’a cadena”, que organiza UAGA-COAG con a colaboración de Bantierra y Foro InterAlimentario.
O programa previsto ye o siguient:
10.00h. Devantadera y Presentación d’a chornada.
José Manuel Penella, Secretario Cheneral de UAGA – COAG.
Víctor Yuste Jordán, Director Cheneral d’o FORO INTERALIMENTARIO.
10.15h. Lei de medidas ta amillorar o funcionamiento d’a cadena alimentaria: dreitos y obligacions ta productors, industria y distribución.
Fernando Burgaz Moreno, Director Cheneral d’a Industria Alimentaria d’o Ministerio d’Agricultura, alimentación y Meyo Ambient.
10.45h. Misión y organización de l’AICA.
José Miguel Herrero Velasco, Director de l’Achencia d’Información y Control Alimentarios (AICA) d’o Ministerio d’Agricultura, Alimentación y Meyo Ambient.
11.15h. Mesa redonda. Un anyo de l’aplicación d’a Lei.
Amodera: Víctor Yuste Jordán, Director Cheneral d’o FORO INTERALIMENTARIO.
Ponentes:
José Miguel Herrero Velasco, Director de l’Achencia d’Información y Control Alimentarios (AICA) d’o Ministerio d’Agricultura, Alimentación y Meyo Ambient.
Fernando Burgaz Moreno, Director Cheneral d’a Industria Alimentaria d’o Ministerio d’Agricultura, alimentación y Meyo Ambient.
Ignacio García Magarzo, Director Cheneral de l’Asociación Espanyola de Distribuidors, Autoservicios y Supermercados (ASEDAS).
Antonio Ubide Bosqued, President d’a Denominación d’Orichen Protechida Carinyena.
Vicente López Gil, Responsable rechional d’o sector de fruitas de UAGA – COAG.
Carlos Larraz Miranda , Responsable rechional d’o sector de vacuno de leit de UAGA – COAG.
12.45h. Plan Autonomico de Control d’a Cadena Alimentaria en Aragón (PACCAA)
Luis Miguel Albarrán, Dirección Cheneral d’Alimentación y Fomento Agroalimentario d’o Gubierno d’Aragón
13.00h. Presentación d’o Foro Interalimentario.
Víctor Yuste Jordán, Director Cheneral d’o FORO INTERALIMENTARIO.
13.20h. Un compromiso por a Cadena Agroalimentaria Sostenible (CASPOPDONA).
Grupo Siro. Prochecto trigo de fuerza. Jorge Páramo Peris, Director de Compras.
Mercadona. Prochecto CASPOPDONA. José Mª Lasala Lobera, Director de Relacions Externas d’Aragón y Castiella y Leyón.
![[cml_meya_alt itz='765']ideyas negocio[/cml_meya_alt]](http://mallata.com/wp-content/uploads/2015/09/ideas-negocio.jpg)
