O sabado 2 d’aviento, Mallata participó con un programa especial en a emisión ininterrumpida en linguas minoritarias de Aragón “D’estrela a estrela” que por seteno anyo consecutiu organiza Radio Topo. En o programa contemos con a participación d’Anchel Reyes, que nos dio a conoixer o proyecto “Empenta Artieda”; Félix Rivas, que presentó RuralESS; Chusé Aliaga, Manel y Juan nos charroron de Ruralgtb+, y Anna Gomar d’a iniciativa Esquellana. O programa estió posible graciás a la colaboración d’El Guindilla y se puede ascuitar a traviés d’iste enlaz:
Convocatorias|Entrevista|Sin categorizar
Mallata en o D’estrela a estrela V
Iste cabo de semana, 7 y 8 de noviembre, Mallata participará en a emisión especial en aragonés y catalán que organiza Radio Topo y que ya va por a suya cinquena edición. D’estrela a estrela busca estar un espacio dende o qual amanar as luengas minoritarias d’Aragón a la sociedat, contrimostrando que puede fer-se radio en qualsiquier idioma. Ista emisión naixió en 2011 como commemoración d’a sinyatura d’a Carta Europea d’as Luengas Minoritarias.
O programa especial que emitirá Mallata se podrá ascuitar o sabado 7 a las 14 horas y contará con a presencia de l’etnografo Félix Rivas, quí nos amanará a o mundo pastoril y a suya importancia en a cultura aragonesa.
A emisión completa d’ista cinquena edición d’o d’estrela a estrela podrá seguir-se en directo a traviés d’o streaming de Radio Topo, y en o 101.8 d’a FM zaragozana. A semana venient lo compartiremos en iste blog ta qui no puedan ascuitar-lo en directo. Amás, podrá seguir-se en os retz socials con o hashtag #estrela5.